ಸುದ್ಧಿಕನ್ನಡ ವಾರ್ತೆ
ಪಣಜಿ: ಗೋವಾದ ದೊಡಾಮಾರ್ಗ್ ತಾಲೂಕಿನ ವಿರ್ಡಿಯ ಪ್ರಸಿದ್ಧ ವಜರ್ ಸಖಲ್ ಜಲಪಾತದಲ್ಲಿ (Vajar Sakhal Falls Goa )ಮುಳುಗಿ ಸಾವನ್ನಪ್ಪಿದ್ದ ಕರ್ನಾಟಕ-ಧಾರವಾಡದ 23 ವರ್ಷದ ವಿಜಯ್ ದೊಡ್ಮನಿ ಅವರ ಮೃತದೇಹವನ್ನು ಎರಡು ದಿನಗಳ ಸತತ ಕಾರ್ಯಾಚರಣೆಯ ನಂತರ ರಕ್ಷಣಾ ತಂಡವು ಮೂರನೇ ದಿನ ಶನಿವಾರ ಯಶಸ್ವಿಯಾಗಿ ನೀರಿನಿಂದ ಹೊರತೆಗೆದಿದೆ. ಭಾರೀ ನೀರಿನ ಹರಿವು, ಭೂಕುಸಿತಗಳ ನಿರಂತರ ಬೆದರಿಕೆ ಮತ್ತು ಪ್ರವೇಶಿಸಲಾಗದ ಬಂಡೆಗಳ ಹಾದಿಗಳ ಎಲ್ಲಾ ಸವಾಲುಗಳನ್ನು ನಿವಾರಿಸಿ, ‘ಸಹ್ಯಾದ್ರಿ ಸಾಹಸ ಮತ್ತು ರಕ್ಷಣಾ ತಂಡ’ದ ( Sahyadri Adventure and Rescue Team )ಬಾಬಲ್ ಅಲ್ಮೇಡಾ ನೇತೃತ್ವದ ತಂಡವು ಈ ಕಷ್ಟಕರ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿತು.
ಕಳೆದ ಗುರುವಾರ ಪಿಕ್ನಿಕ್ಗಾಗಿ ಸ್ನೇಹಿತರೊಂದಿಗೆ ಗೋವಾದ ವಜರ್ ಸಕಲ್ ಜಲಪಾತಕ್ಕೆ ಬಂದಿದ್ದ ವಿಜಯ್ ದೊಡ್ಮನಿ ಆಳವಾದ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದರು. ಶುಕ್ರವಾರ, ಡ್ರೋನ್ ಕ್ಯಾಮೆರಾದ ಸಹಾಯದಿಂದ ದೇಹವು ಏಳು ಮೀಟರ್ ಆಳದಲ್ಲಿ ಸಿಲುಕಿಕೊಂಡಿದೆ ಎಂದು ದೃಢಪಡಿಸಲಾಯಿತು, ಆದರೆ ಆ ಸ್ಥಳದಲ್ಲಿ ಜಲಪಾತದ ಬೀಳುವ ನೀರಿನ ಅಗಾಧ ಒತ್ತಡವು ನೀರಿಗೆ ಹೋಗುವುದು ರಕ್ಷಣಾ ತಂಡದವರ ಜೀವಕ್ಕೆ ಅಪಾಯಕಾರಿಯಾಗಿತ್ತು. ಶನಿವಾರ, ತಂಡವು ಸ್ಕೂಬಾ ಡೈವಿಂಗ್ ತಜ್ಞರ (Scuba diving experts ) ಸಹಾಯದಿಂದ ಈ ನೀರಿನ ಆಳಕ್ಕೆ ಇಳಿದು ದೇಹವನ್ನು ಹೊರತೆಗೆಯುವಲ್ಲಿ ಯಶಸ್ವಿಯಾದರು.
ರಕ್ಷಣಾ ಕಾರ್ಯಕರ್ತರು ದೇಹವನ್ನು ಸ್ಟ್ರೆಚರ್ನಲ್ಲಿ ಸುರಕ್ಷಿತವಾಗಿಟ್ಟುಕೊಂಡು ಜಲಪಾತದಿಂದ ಮುಖ್ಯ ರಸ್ತೆಗೆ ತರುವಲ್ಲಿ ಅಪಾರ ಪ್ರಯತ್ನ ನಡೆಸಿದರು. ಎರಡು ದಿನಗಳ ಕಾಲ ಕಾಯುವಿಕೆಯ ನಂತರ ಮೃತದೇಹವನ್ನು ಸ್ವೀಕರಿಸಿದ ನಂತರ ಸ್ಥಳದಲ್ಲಿದ್ದ ವಿಜಯ್ ದೊಡ್ಮನಿ ಅವರ ಸಂಬಂಧಿಕರು ಭಾವುಕರಾಗಿ ತಮ್ಮ ಆಕ್ರೋಶ ವ್ಯಕ್ತಪಡಿಸಿದರು. ಪಂಚನಾಮ ನಡೆಸಿದ ನಂತರ ಪೆÇಲೀಸರು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ಕಳುಹಿಸಿದ್ದಾರೆ.
