ಸುದ್ದಿಕನ್ನಡ ವಾರ್ತೆ
Goa: ಪಣಜಿಯಲ್ಲಿರುವ ಪ್ರಸಿದ್ಧ ಹೋಟೆಲ್ ” ಹೋಟೆಲ್ ಮಾಂಡೋವಿಯನ್ನು” ರಾಜ್ಯದ ಒಂದು ಬ್ಯಾಂಕ್ ಸ್ವಾಧೀನಪಡಿಸಿಕೊಳ್ಳಲಿದೆ. ಸಾಲ ಮರುಪಾವತಿಸಲು ವಿಫಲವಾದ ಕಾರಣ ಹೋಟೆಲ್ ಮಾಂಡೋವಿಯ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಬ್ಯಾಂಕ್ ನೋಟಿಸ್ ಜಾರಿ ಮಾಡಿದೆ. ಐತಿಹಾಸಿಕ ಮಾಂಡೋವಿ ಹೋಟೆಲ್ ಅನ್ನು ಬ್ಯಾಂಕ್ ಸ್ವಾಧೀನಪಡಿಸಿಕೊಳ್ಳುವುದು ಈಗ ಬಹುತೇಕ ದೃಢಪಟ್ಟಿದೆ.
ಪೆÇೀರ್ಚುಗೀಸ್ ಯುಗದ ಮಾಂಡೋವಿ ಹೋಟೆಲ್ ವಿವಾದದಿಂದಾಗಿ ಕಳೆದ ಮೂರು ವರ್ಷಗಳಿಂದ ಮುಚ್ಚಲ್ಪಟ್ಟಿದೆ. ಪಣಜಿಯ ರಸ್ತೆಬದಿಯಲ್ಲಿ ಮತ್ತು ಆಯಕಟ್ಟಿನ ಸ್ಥಳದಲ್ಲಿ ನೆಲೆಗೊಂಡಿರುವ ಈ ಹೋಟೆಲ್, ಪ್ರಧಾನಿ ಸೇರಿದಂತೆ ಪ್ರಮುಖ ರಾಜಕೀಯ ನಾಯಕರು, ದೇಶ ಮತ್ತು ವಿದೇಶಗಳ ಉದ್ಯಮಿಗಳು ಮತ್ತು ಕಲಾವಿದರಿಗೆ ಆತಿಥ್ಯ ನೀಡಿದ್ದ ಹೋಟೆಲ್. 2010 ರವರೆಗೆ, ರಾಜ್ಯ ಮತ್ತು ರಾಷ್ಟ್ರಮಟ್ಟದ ಸಭೆಗಳು, ಸಮ್ಮೇಳನಗಳು ಮತ್ತು ಇತರ ಕಾರ್ಯಕ್ರಮಗಳನ್ನು ಇಲ್ಲಿ ಆಯೋಜಿಸಲಾಗುತ್ತಿತ್ತು. ಈ ಹೋಟೆಲ್ ಬಸ್ ನಿಲ್ದಾಣ, ಪೆÇಲೀಸ್ ಪ್ರಧಾನ ಕಚೇರಿ, ಹಳೆಯ ಸಚಿವಾಲಯ ಮತ್ತು ಇತರ ಕಚೇರಿಗಳಿಗೆ ಹತ್ತಿರದಲ್ಲಿದ್ದ ಕಾರಣ ಇತರ ಹೋಟೆಲ್‍ಗಳಿಗೆ ಹೋಲಿಸಿದರೆ ಅನುಕೂಲಕರವಾಗಿತ್ತು. ಮೇಲಿನ ಮಹಡಿಯಲ್ಲಿರುವ ಸಮ್ಮೇಳನ ಕೊಠಡಿಯಿಂದ ಮಾಂಡೋವಿ ನದಿಯ ನೋಟ ಕಾಣುತ್ತದೆ. ಇದು ಈ ಹೋಟೆಲ್ ಅನ್ನು ದೇಶ ಮತ್ತು ವಿದೇಶಗಳ ಗಣ್ಯರಿಗೆ ವಿಶೇಷ ಆಕರ್ಷಣೆಯನ್ನಾಗಿ ಮಾಡಿತು.
ಈ ಹೋಟೆಲ್ ಪ್ರಸ್ತುತ ಮುಚ್ಚಲ್ಪಟ್ಟಿದೆ. ಹೋಟೆಲ್ ಮಾಲೀಕರು ಗೋವಾ ಅರ್ಬನ್ ಬ್ಯಾಂಕಿನಿಂದ ಸಾಲ ಪಡೆದಿದ್ದರು. ಸಾಲವನ್ನು ಪಾವತಿಸದ ಕಾರಣ ಹೋಟೆಲ್‍ನ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಬ್ಯಾಂಕ್ ನೋಟಿಸ್ ಜಾರಿ ಮಾಡಿದೆ. ಸಾಲಗಾರರು ನೋಟಿಸ್‍ಗೆ ಪ್ರತಿಕ್ರಿಯಿಸಿದ ನಂತರ ಮುಂದಿನ ಕ್ರಮ ಕೈಗೊಳ್ಳಲಾಗುವುದು. ಬ್ಯಾಂಕ್ ಈ ಹೋಟೆಲ್ ನ್ನು ಸ್ವಾಧೀನಪಡಿಸಿಕೊಳ್ಳಲು ಜಿಲ್ಲಾಧಿಕಾರಿಗಳಿಗೆ ಅರ್ಜಿ ಸಲ್ಲಿಸಲಾಗುವುದು. ಜಿಲ್ಲಾ ಮ್ಯಾಜಿಸ್ಟ್ರೇಟ್ ಆದೇಶ ಮತ್ತು ಮೇಲ್ವಿಚಾರಣೆಯಲ್ಲಿ ಆಸ್ತಿಯನ್ನು ಸ್ವಾಧೀನಪಡಿಸಿಕೊಳ್ಳಲಾಗುವುದು ಎಂದು ಬ್ಯಾಂಕ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. 3 ಕೋಟಿ ರೂ.ಗಳಿಗೂ ಹೆಚ್ಚಿನ ಸಾಲ ಬಾಕಿ ಇರುವುದರಿಂದ ಬ್ಯಾಂಕ್ ಆಸ್ತಿಯನ್ನು ಸ್ವಾಧೀನಪಡಿಸಿಕೊಳ್ಳುವ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ.
ರಾಜಕೀಯ ವ್ಯವಹಾರಗಳ ಕೇಂದ್ರ..
ಮಾಂಡೋವಿ ಹೋಟೆಲ್ ನಿರ್ಮಾಣವು 1950 ರಲ್ಲಿ ಪ್ರಾರಂಭವಾಯಿತು. ಹೋಟೆಲ್ ಅನ್ನು 1952 ರಲ್ಲಿ ಉದ್ಘಾಟಿಸಲಾಯಿತು. ಮಾಜಿ ಪ್ರಧಾನಿಗಳಾದ ಜವಾಹರಲಾಲ್ ನೆಹರು, ಇಂದಿರಾ ಗಾಂಧಿ, ಅಟಲ್ ಬಿಹಾರಿ ವಾಜಪೇಯಿ ಮತ್ತು ಲಾಲ್ ಕೃಷ್ಣ ಅಡ್ವಾಣಿ ಈ ಹೋಟೆಲ್‍ನಲ್ಲಿ ಹಲವು ಬಾರಿ ತಂಗಿದ್ದಾರೆ. ಈ ಹೋಟೆಲ್ ಹಲವು ವರ್ಷಗಳ ಕಾಲ ಸರ್ಕಾರ ರಚನೆ ಸೇರಿದಂತೆ ರಾಜಕೀಯ ಸಭೆಗಳು ಮತ್ತು ಕಾರ್ಯಕ್ರಮಗಳಿಗೆ ಪ್ರಮುಖ ಕೇಂದ್ರವಾಗಿತ್ತು.
