ಸುದ್ದಿ ಕನ್ನಡ ವಾರ್ತೆ
ಗೋವಾದ ವಾಸ್ಕೋ ದಲ್ಲಿರುವ ಸಂಡೇ ಮಾರ್ಕೆಟ್ ನಲ್ಲಿ ಸಂಭವಿಸಿದ ಭಾರಿ ಅಗ್ನಿ ಅವಘಡದ ನಂತರ ಆಡಳಿತ ಮಟ್ಟದಲ್ಲಿ ಸಮೀಕ್ಷೆ ಮತ್ತು ಹಾನಿಯ ಮೌಲ್ಯಮಾಪನ ಪ್ರಕ್ರಿಯೆ ಆರಂಭಗೊಂಡಿದೆ.
ಈ ಅಗ್ನಿ ಅವಘಡದಲ್ಲಿ ಹಾನಿಗೊಳಗಾದ ವ್ಯಾಪಾರಿಗಳ ಸಂಖ್ಯೆ ಹೆಚ್ಚಿರುವುದರಿಂದ ಅವರೆಲ್ಲರನ್ನು ಈ ಸಭೆಯಲ್ಲಿ ಏಕಕಾಲದಲ್ಲಿ ಸೇರಿಸಲು ಸಾಧ್ಯವಾಗಲಿಲ್ಲ ಎಂದು ಮುರ್ಗಾವ್ ಮುನ್ಸಿಪಲ್ ಕಾರ್ಪೊರೇಷನ್ ಮುಖ್ಯ ಅಧಿಕಾರಿ ಸಿದ್ಧಿವಿನಾಯಕ್ ನಾಯಕ್ ಮಾಹಿತಿ ನೀಡಿದ್ದಾರೆ.
ಈ ಅಗ್ನಿಅವಘಡದಲ್ಲಿ ಭಾದಿತ ವ್ಯಾಪಾರಿಗಳಿಂದ ದಾಖಲೆಗಳು ಮತ್ತು ಪುರಾವೆಗಳನ್ನು ಸಂಗ್ರಹಿಸಲಾಗುತ್ತಿದೆ. ನೆರವು ವಿತರಿಸುವಾಗ ಯಾವುದೇ ತಾಂತ್ರಿಕ ದೋಷಗಳಿಲ್ಲದಂತೆ ಪರಿಶೀಲಿಸಲಾಗುತ್ತಿದೆ. ಈ ಘಟನೆಯಲ್ಲಿ ಒಟ್ಟು 149 ಕುಟುಂಬಗಳು ನಷ್ಟ ಅನುಭವಿಸಿದ್ದಾರೆ. ಇದರಲ್ಲಿ 133 ಮನೆಗಳು ಮತ್ತು 16 ಅಂಗಡಿಗಳು ಸೇರಿವೆ. ಪಾದರಕ್ಷೆಗಳ ವ್ಯಾಪಾರಿಗಳು ಹೆಚ್ಚಿನ ನಷ್ಟ ಅನುಭವಿಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ಮುರ್ಗಾವ್ ಪುರಸಭೆಯು ಅಗ್ನಿ ವಿಮಯ ಬಗ್ಗೆ ನಿಯಮಿತವಾಗಿ ಸಮಗ್ರವಾಗಿ ಕೆಲಸ ಮಾಡುವ ಮತ್ತು ಅದರ ರಕ್ಷಣೆಯನ್ನು ಒದಗಿಸುವ ಮೊದಲ ಮತ್ತು ಏಕೈಕ ನಾಗರೀಕ ಸಂಸ್ಥೆಯಾಗಿದೆ. ವ್ಯಾಪಾರಿಗಳ ನಷ್ಟವನ್ನು ಗಮನದಲ್ಲಿಟ್ಟುಕೊಂಡು ಆಡಳಿತವು ವಿಮೆಯ ಮೂಲಕ ನಷ್ಟದ ಮೊತ್ತವನ್ನು ಕಡಿಮೆ ಮಾಡಲು ಈಗಾಗಲೇ ಕ್ರಮ ಕೈಗೊಂಡಿದೆ ಮತ್ತು ಅದಕ್ಕಾಗಿ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ. ಇದುವರೆಗೂ 107 ಪೀಡಿತ ಜನರು ತಮ್ಮ ಹಕ್ಕುಗಳು ಮತ್ತು ಅರ್ಜಿಗಳನ್ನು ಸಲ್ಲಿಸಿದ್ದಾರೆ. 107 ಜನರಲ್ಲಿ ಕೆಲವರು ಮೂಲ ಮಾಲೀಕರು, ಕೆಲವು ಬಾಡಿಗೆ ಅಂಗಡಿಗಳನ್ನು ನಡೆಸುತ್ತಿದ್ದಾರೆ, ಕೆಲವರು ಸಬ್ಲೆಟ್ ಪಡೆದಿದ್ದಾರೆ ಮತ್ತು ಕೆಲವರಿಗೆ ಯಾವುದೇ ದಾಖಲೆಗಳಿಲ್ಲ ಎನ್ನಲಾಗಿದೆ.
