ಸುದ್ಧಿಕನ್ನಡ ವಾರ್ತೆ
ಪಣಜಿ: ಗೋವಾದ ಐಡಿಸಿ ವೆರ್ನಾದಲ್ಲಿರುವ ನಿರ್ಮಾಣ ಸಂಸ್ಥೆಯ ಕಚೇರಿಗೆ ನುಗ್ಗಿದ ಕೆಲವರು, ಅದನ್ನು ಧ್ವಂಸಗೊಳಿಸಿದ್ದಾರೆ, ಅಲ್ಲಿನ ಕೆಲವರನ್ನು ಥಳಿಸಿದ್ದರು ಮತ್ತು ಕಚೇರಿಯಲ್ಲಿದ್ದ ದೇವರು ಮತ್ತು ದೇವತೆಗಳ ಫೆÇೀಟೋಗಳ ಮೇಲೆ ಉಗುಳುವ ಮೂಲಕ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದ್ದಾರೆ ಎಂದು ಆರೋಪಿಸಲಾಗಿದೆ. ಈ ಪ್ರಕರಣದಲ್ಲಿ ವೆರ್ನಾ ಪೆÇಲೀಸರು ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
ಪೆÇಲೀಸರ ಪ್ರಕಾರ, ಸೆಪ್ಟೆಂಬರ್ 6 ರಂದು ಸಂಜೆ 4 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಎಸ್.ಜೆ ಕನ್‍ಸ್ಟ್ರಕ್ಷನ್ ಕಚೇರಿಗೆ ಪ್ರವೇಶಿಸಿದ ದಾಳಿಕೋರರು ಗಾಜಿನ ಟೀಪಾಟ್ ಅನ್ನು ಒಡೆದು, ಕಚೇರಿಯ ಮಾಲೀಕ ಶ್ರೀಜುಕುಮಾರ್ ಪಿಳ್ಳೈ ಅವರನ್ನು ಮರದ ಕೊಂಬೆಯಿಂದ ಹೊಡೆದು, ಅವರ ತಂದೆಗೂ ಹೊಡೆದರು. ಅವರು ನೌಕರರನ್ನು ನಿಂದಿಸಿ ಕೊಲ್ಲುವುದಾಗಿ ಬೆದರಿಕೆ ಹಾಕಿದರು. ಕಚೇರಿಯಲ್ಲಿನ ದೇವಾಲಯದಲ್ಲಿ ಇರಿಸಲಾಗಿದ್ದ ದೇವರು ಮತ್ತು ದೇವತೆಗಳ ಫೆÇೀಟೋಗಳ ಮೇಲೆ ಉಗುಳುವ ಮೂಲಕ ಕುಟುಂಬದ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದ್ದಾರೆ.
ಈ ಪ್ರಕರಣದಲ್ಲಿ ಹಲ್ಲೆಗೊಳಗಾದ ಶ್ರೀಜುಕುಮಾರ್ ಪಿಳ್ಳೈ (ರೆ. ಜುವಾರಿನಗರ) ದೂರು ದಾಖಲಿಸಿದ್ದಾರೆ. ಈ ದೂರಿನ ಆಧಾರದ ಮೇಲೆ, ಪೆÇಲೀಸರು ಮೊಹಮ್ಮದ್ ಅಲಿ ಶೇಖ್, ಅವರ ಅಳಿಯ ಸುಹೈಲ್ ಶೇಖ್ ಮತ್ತು ಇತರರ ವಿರುದ್ಧ ಭಾರತೀಯ ದಂಡ ಸಂಹಿತೆ, 2023 ರ ವಿವಿಧ ಸೆಕ್ಷನ್‍ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಈ ಪ್ರಕರಣದ ತನಿಖೆಯನ್ನು ವೆರ್ನಾ ಪೆÇಲೀಸ್ ಠಾಣೆಯ ಇನ್ಸ್ಪೆಕ್ಟರ್ ಆನಂದ್ ಶಿರೋಡ್ಕರ್ ಅವರ ಮಾರ್ಗದರ್ಶನದಲ್ಲಿ ದಕ್ಷಿಣ ಗೋವಾ ಪೆÇಲೀಸ್ ವರಿಷ್ಠಾಧಿಕಾರಿ ಟಿಕಮ್ ಸಿಂಗ್ ವರ್ಮಾ, ಮುಗಾರ್ಂವ್ ಉಪ ಸೂಪರಿಂಟೆಂಡೆಂಟ್ ಗುರುದಾಸ್ ಕದಮ್ ಮತ್ತು ಸಬ್-ಇನ್ಸ್ಪೆಕ್ಟರ್ ಮಹೇಶ್ ಭೋಮ್ಕರ್ ತನಿಖೆ ನಡೆಸುತ್ತಿದ್ದಾರೆ.
