ಪಣಜಿ(ಮಾಪ್ಸಾ): ಗೋವಾ ರಾಜ್ಯದಲ್ಲಿ ಡ್ರಗ್ ದಂಧೆ ಜೋರಾಗಿದೆ. ಪೊಲೀಸರು ತ್ವರಿತ ಕ್ರಮ ಕೈಗೊಂಡು ನಿರ್ಮೂಲನೆಗೆ ಪ್ರಯತ್ನಿಸುತ್ತಿದ್ದಾರೆ. ಬೆಳಕಿಗೆ ಬಂದ ಮಾಹಿತಿಯ ಪ್ರಕಾರ, ನಾಗ್ವಾದಲ್ಲಿ ಹಣಜುನ್ ಪೊಲೀಸರು ಮಾದಕ ದ್ರವ್ಯ ವಿರೋಧಿ ಕಾರ್ಯಾಚರಣೆಯಡಿ ದಾಳಿ ನಡೆಸಿ 8.175 ಕೆಜಿ ತೂಕದ 8.17 ಲಕ್ಷ ಮೌಲ್ಯದ ಗಾಂಜಾವನ್ನು ವಶಪಡಿಸಿಕೊಂಡಿದ್ದಾರೆ. ಈ ಪ್ರಕರಣದಲ್ಲಿ ಒಡಿಶಾ ಮೂಲದ ಸಂಜೀಬ್ ಹಪನಾ ಮರಾಂಡಿ (26) ಮತ್ತು ದೀಪಿಕಾ ಧೋಬುನಿ ಪೊಲೈ (18) ಎಂಬ ದಂಪತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಹಂಜುನ್ ಪೊಲೀಸರು ಶುಕ್ರವಾರ ಕ್ರಮ ಕೈಗೊಂಡಿದ್ದಾರೆ. ಡಿಸ್ವಾಡ- ನಾಗವಾದಲ್ಲಿರುವ ಪ್ರಾರ್ಥನಾ ಮಂದಿರದ ಬಳಿ ಡ್ರಗ್ಸ್ ಮಾರಾಟ ಮಾಡುತ್ತಿರುವ ಬಗ್ಗೆ ಪೊಲೀಸರಿಗೆ ಗೌಪ್ಯ ಮಾಹಿತಿ ಸಿಕ್ಕಿತ್ತು. ಅದರಂತೆ ಪೊಲೀಸರು ಬಲೆ ಬೀಸಿದ್ದರು. ಶಂಕಿತ ಆರೋಪಿಗಳು ಸ್ಥಳಕ್ಕಾಗಮಿಸುತ್ತಿದ್ದಂತೆಯೇ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಅವರನ್ನು ತಪಾಸಣೆ ನಡೆಸಿದಾಗ ಶಂಕಿತ ಸಂಜೀಬ್ ಮರಾಂಡಿ 4.107 ಕೆಜಿ ಗಾಂಜಾ ಮತ್ತು ಇನ್ನೊಬ್ಬ ಶಂಕಿತ ದೀಪಿಕಾ ಪೊಲೈ 4.068 ಕೆಜಿ ಗಾಂಜಾ ಪತ್ತೆಯಾಗಿದೆ. ಈ ಗಾಂಜಾ ಬೆಲೆ 8 ಲಕ್ಷದ 17 ಸಾವಿರದ 500 ರೂಪಾಯಿ ಎಂದು ಅಂದಾಜಿಸಲಾಗಿದೆ. ಪೊಲೀಸರು ಆರೋಪಿಗಳನ್ನು ಬಂಧಿಸಿ ಅವರ ವಿರುದ್ಧ ಮಾದಕ ದ್ರವ್ಯ ನಿಯಂತ್ರಣ ಕಾಯ್ದೆಯಡಿ ಪ್ರಕರಣ ದಾಖಲಿಸಿ ಬಂಧಿಸಿದ್ದಾರೆ.
ಪೊಲೀಸ್ ವರಿಷ್ಠಾಧಿಕಾರಿ ಅಕ್ಷತ್ ಕೌಶಲ್ ಮತ್ತು ಉಪಾಧೀಕ್ಷಕ ಸಂದೇಶ್ ಚೋಡಂಕರ್ ಅವರ ಮಾರ್ಗದರ್ಶನದಲ್ಲಿ ಇನ್ಸ್ಪೆಕ್ಟರ್ ಸೂರಜ್ ಗವಾಸ್, ಸಬ್ ಇನ್ಸ್ಪೆಕ್ಟರ್ ಲೀಶಾ ಖಾರ್ಬೆ, ಕಾನ್‍ಸ್ಟೆಬಲ್ ಸಂದೇಶ್ ಪೆಡ್ನೇಕರ್, ಅನಿಕೇತ್ ಪೆಡ್ನೇಕರ್, ಪ್ರಶಾಂತ್ ಪರಬ್, ಗುರುದಾಸ್ ಸಂಗೇಲ್ಕರ್, ಪ್ರಜ್ಞಾ ಸಾಲಗಾಂವ್ಕರ್ ನೇತೃತ್ವದಲ್ಲಿ ಈ ಕಾರ್ಯ ನಿರ್ವಹಿಸಿದರು.
