ಸುದ್ದಿ ಕನ್ನಡ ವಾರ್ತೆ
ಕಾರವಾರ:ತಾಲೂಕಿನ ಮಲ್ಲಾಪುರ ಗ್ರಾಮದಲ್ಲಿ ಹೋರಿ ಗುದ್ದಿ ಮಹಿಳೆ ಸಾವು ಕಂಡ ಘಟನೆ ನಡೆದಿದೆ.ಮಲ್ಲಾಪುರದ ರಾಜೇಶ್ವರಿ(29) ಹೋರಿ ಗುದ್ದಿ ಸಾವುಕಂಡ ಮೃತ ಮಹಿಳೆಯಾಗಿದ್ದಾಳೆ.
ಮಲ್ಲಾಪುರ ಗ್ರಾಮದ ಸುಭದ್ರ ಹೋಟೆಲ್ ಬಳಿ ಎರಡು ಗೂಳಿಗಳು ಗುದ್ದಾಟ ಮಾಡಿಕೊಂಡಿದ್ದು, ಇದೇ ಸ್ಥಳದಲ್ಲಿ ಕೆಲಸಕ್ಕೆ ಹೋಗಿ ಮನೆಗೆ ಬರುತ್ತಿದ್ದ ರಾಜೇಶ್ವರಿ ಮೇಲೆ ಹೋರಿಗಳು ಗುದ್ದಿ ಓಡಿದೆ.ಹೋರಿ ಢಿಕ್ಕಿಯಾದ ರಭಸಕ್ಕೆ ಬಲವಾದ ಹೊಡೆತದಿಂದ ಕುಸಿದು ಬಿದ್ದ ರಾಜೇಶ್ವರಿ ಗಂಭೀರ ಗಾಯಗೊಂಡಿದ್ದು ಆಸ್ಪತ್ರೆಗೆ ಸಾಗಿಸಿದ್ದು,ಚಿಕಿತ್ಸೆ ಫಲಕಾರಿಯಾಗದೇ ಸಾವು ಕಂಡಿದ್ದಾರೆ.
ಘಟನೆ ಸಂಬಂಧ ಮಲ್ಲಾಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.
