ಸುದ್ದಿಕನ್ನಡ ವಾರ್ತೆ
Goa : ಜುವಾರಿ ನದಿ ಸೇತುವೆಯ ಮೇಲೆ ಐಕಾನಿಕ್ ಅವಳಿ ನಿರೀಕ್ಷಣಾ ಗೋಪುರವನ್ನು 270.07 ಕೋಟಿ ಅಂದಾಜು ವೆಚ್ಚದಲ್ಲಿ ನಿರ್ಮಿಸಲಾಗುತ್ತಿದ್ದು, 5 ವರ್ಷಗಳಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆಯಿರುವ ಈ ಯೋಜನೆಯು ಐಫೆಲ್ ಟವರ್-ಪ್ರೇರಿತ ವೀಕ್ಷಣಾ ಗೋಪುರಗಳನ್ನು ಒಳಗೊಂಡಿದ್ದು, ಸುತ್ತುತ್ತಿರುವ ರೆಸ್ಟೋರೆಂಟ್, ಕಲಾ ಗ್ಯಾಲರಿ, ವೀಕ್ಷಣಾ ಡೆಕ್‍ಗಳು ಮತ್ತು ಆಧುನಿಕ ಪ್ರವಾಸಿ ಸೌಲಭ್ಯಗಳನ್ನು ಹೊಂದಿದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಸಚಿವ ನಿತಿನ್ ಗಡ್ಕರಿ ನುಡಿದರು.
ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಅವರು ಹೊಸ ಜುವಾರಿ ಸೇತುವೆಯ ಮೇಲಿರುವ ಐಕಾನಿಕ್ ಅವಳಿ ವೀಕ್ಷಣಾ ಗೋಪುರಗಳಿಗೆ ಭೂಮಿಪೂಜೆಯನ್ನು ಶುಕ್ರವಾರ ಸಂಜೆ ನೆರವೇರಿಸಿದರು. ಮಳೆಗಾಲದ ನಂತರ ನಿಜವಾದ ನಿರ್ಮಾಣ ಕಾರ್ಯ ಪ್ರಾರಂಭವಾಗಲಿದೆ.
ಜಾಗತಿಕ ಆಕರ್ಷಣೆಯಾಗಿ ವಿನ್ಯಾಸಗೊಳಿಸಲಾದ ಐಕಾನಿಕ್ ಅವಳಿ ನಿರೀಕ್ಷಣಾ ಗೋಪುರ, ಎರಡೂ ತುದಿಗಳಲ್ಲಿ ತಡೆರಹಿತ ಪ್ರವೇಶ ಮತ್ತು ಪಾಕಿರ್ಂಗ್ ಸೌಲಭ್ಯಗಳಿಗಾಗಿ ಸಮುದ್ರದ ಎರಡೂ ಬದಿಗಳಲ್ಲಿ 7.5 ಮೀಟರ್ ಅಗಲದ ವಾಕ್‍ವೇ ಸೇತುವೆಗಳನ್ನು ಒಳಗೊಂಡಿರುತ್ತದೆ, ಇದು ಗೋವಾದ ರೋಮಾಂಚಕ ಪ್ರವಾಸೋದ್ಯಮ ಭೂದೃಶ್ಯಕ್ಕೆ ಒಂದು ಹೆಗ್ಗುರುತಾಗಿದೆ. ಇದು ಸ್ಥಳೀಯ ಆರ್ಥಿಕತೆಯನ್ನು ಹೆಚ್ಚಿಸುತ್ತದೆ, ಉದ್ಯೋಗ ಸೃಷ್ಟಿಸುತ್ತದೆ ಮತ್ತು ವಿಶ್ವ ದರ್ಜೆಯ ಮೂಲಸೌಕರ್ಯಕ್ಕೆ ಭಾರತದ ಬದ್ಧತೆಯನ್ನು ಪ್ರದರ್ಶಿಸುತ್ತದೆ, ವಾಸ್ತುಶಿಲ್ಪ ಮತ್ತು ಅನುಭವಿ ಪ್ರವಾಸೋದ್ಯಮಕ್ಕೆ ಒಂದು ತಾಣವಾಗಿ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಅದರ ಸ್ಥಾನಮಾನವನ್ನು ಹೆಚ್ಚಿಸುತ್ತದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅಭಿಪ್ರಾಯಪಟ್ಟರು.
ಈ ಸಂದರ್ಭದಲ್ಲಿ ಗೋವಾ ಮುಖ್ಯಮಂತ್ರಿ ಪ್ರಮೋದ ಸಾವಂತ್, ಕೇಂದ್ರ ಸಚಿವ ಶ್ರೀಪಾದ ನಾಯ್ಕ ಸೇರಿದಂತೆ ರಾಜ್ಯ ಸಚಿವರು, ಶಾಸಕರು ಉಪಸ್ಥಿತರಿದ್ದರು.
