ಯಲ್ಲಾಪುರದದಲ್ಲಿ ಭೀಕರ ಅಪಘಾತ , ಮೂವರು ಸ್ಥಳದಲ್ಲೇ ಸಾವು…?

ಸುದ್ಧಿಕನ್ನಡ ವಾರ್ತೆ
ಯಲ್ಲಾಪುರ: ಉತ್ತರಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ರಾಷ್ಟ್ರೀಯ ಹೆದ್ದಾರಿಯ ಮಾವಳ್ಳಿ ಕ್ರಾಸ್ ನಲ್ಲಿ ಭೀಕರ ಅಪಘಾತ ಸಂಭವಿಸಿದ್ದು, ಈ ಘಟನೆಯಲ್ಲಿ ಬಾದಾಮಿ ತಾಲೂಕಿನ ಗುಳೇದಗುಡ್ಡದ ಮೂವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಶುಕ್ರವಾರ ಮಧ್ಯರಾತ್ರಿಯ ವೇಳೆಗೆ ಈ ಘಟನೆ ನಡೆದಿದೆ. ಈ ಘಟನೆಯಲ್ಲಿ 7 ಜನ ಗಂಭೀರ ಗಾಯಗೊಂಡಿದ್ದಾರೆ.

ಗುಳೇದಗುಡ್ಡದ ನಿವಾಸಿಗಳಾದ ನೀಲವ್ವ ಹರದೊಳ್ಳಿ (40), ಜಾಲೀಹಾಳ ಗ್ರಾಮದ ಗಿರಿಜವ್ವ ಬೂದನ್ನವರ್ ( 30), ಇನ್ನೋರ್ವ 40 ವಷರ್ದದ ವ್ಯಕ್ತಿ ಮೃತಪಟ್ಟಿದ್ದು ಅವರ ಹೆಸರು ತಿಳಿದುಬಂದಿಲ್ಲ. ಚಿಕ್ಕಮಕ್ಕಳಿಗೆ ಗಂಭೀರ ಗಾಯವಾಗಿದ್ದು ಹುಬ್ಬಳ್ಳಿಯ ಕಿಮ್ಸ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಘಟನೆಯಲ್ಲಿ ಗಾಯಗೊಂಡ ಎಲ್ಲ 7 ಜನ ಬಾಗಲಕೋಟೆ ಜಿಲ್ಕೆಯವರು.

ಯಲ್ಲಾಪುರದ ಸಿಪಿಐ ರಮೇಶ್ ಹಾನಾಪುರ್, ಪಿಎಸ್ ಐ ಯಲ್ಲಾಲಿಂಗ್ ಕನ್ನೂರ್, ನೇತೃತ್ವದ ಪೋಲಿಸರ ತಂಡ ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದೆ. ಪಂಚನಾಮೆ ನಡೆಸಿ ಪೋಲಿಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.