ಸುದ್ಧಿಕನ್ನಡ ವಾರ್ತೆ
ಸೋಮವಾರ ರಾತ್ರಿ ಕತಾರ್ (Qatar) ನಲ್ಲಿರುವ ಅಮೆರಿಕದ ನೆಲೆಯ ಮೇಲೆ ಇರಾನ್ ಕ್ಷಿಪಣಿಗಳ ಧಾಳಿ ನಡೆಸಿದ್ದರಿಂದ, ಹಲವಾರು ಗಲ್ಫ್ ರಾಷ್ಟ್ರಗಳು (Gulf countries) ತಮ್ಮ ವಾಯು ನೆಲೆಗಳನ್ನು (Air base) ಮುಚ್ಚಿವೆ ಮತ್ತು ಇದು ಗೋವಾ ಮತ್ತು ಗಲ್ಫ್ ನಡುವೆ ಪ್ರಯಾಣಿಸುವ ನೂರಾರು ಪ್ರಯಾಣಿಕರ ಮೇಲೆ ತೀವ್ರ ಪರಿಣಾಮ ಬೀರಿದೆ.
ಮಾಧ್ಯಮ ವರದಿಗಳ ಪ್ರಕಾರ, ದೋಹಾದಲ್ಲಿರುವ ಅಲ್ ಉದೈದ್ ಅಮೆರಿಕದ ಸೇನಾ ನೆಲೆಯ ಮೇಲೆ ಇರಾನ್ ನಡೆಸಿದ ದಾಳಿಯ ನಂತರ ಹೆಚ್ಚುತ್ತಿರುವ ಉದ್ವಿಗ್ನತೆಯ ನಡುವೆ, ಕುವೈತ್, ಬಹ್ರೇನ್, ಕತಾರ್ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ ತಮ್ಮ ವಾಯುನೆಲೆಯನ್ನು ಮುಚ್ಚಿವೆ.
ಪ್ರಸ್ತುತ, ಗೋವಾ ಮತ್ತು ಈ ದೇಶಗಳ ನಡುವೆ ಕಾರ್ಯನಿರ್ವಹಿಸುವ ವಿಮಾನಗಳು ಕತಾರ್ ಏರ್‍ವೇಸ್ (ಮೋಪಾ-ದೋಹಾ), ಏರ್ ಅರೇಬಿಯಾ (ಮೋಪಾ-ಶಾರ್ಜಾ), ಗಲ್ಫ್ ಏರ್ (ದಬೋಲಿಮ್-ಬಹ್ರೇನ್) ಮತ್ತು ಏರ್ ಇಂಡಿಯಾ ಎಕ್ಸ್‍ಪ್ರೆಸ್ (ದಬೋಲಿಮ್-ದುಬೈ). ಕುವೈತ್, ಬಹ್ರೇನ್, ಕತಾರ್ ಮತ್ತು ಯುಎಇಗಳು ತಮ್ಮ ವಾಯುಪ್ರದೇಶಗಳನ್ನು ಮುಚ್ಚಿರುವುದರಿಂದ, ಈ ದೇಶಗಳಿಗೆ ಪ್ರಯಾಣಿಸಲು ಮತ್ತು ಅಲ್ಲಿಂದ ಹೋಗಲು ಯೋಜಿಸುತ್ತಿರುವ ನೂರಾರು ಗೋವಾ ನಿವಾಸಿಗಳ ಮೇಲೆ ತೀವ್ರವಾಗಿ ಪರಿಣಾಮ ಬೀರಿದೆ.
ಮೆಲ್ಬೋರ್ನ್‍ನಿಂದ ದೋಹಾಗೆ ಹೋಗುವ ಕತಾರ್ ಏರ್‍ವೇಸ್ (QR989)ವಿಮಾನವನ್ನು ಮೋಪಾದಲ್ಲಿರುವ ಮನೋಹರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತಿರುಗಿಸಲಾಯಿತು. ಬೋಯಿಂಗ್ 777-3DZ(ER) ವಿಮಾನವು ಬೆಳಿಗ್ಗೆ 1 ಗಂಟೆಗೆ ಮೋಪಾ ವಿಮಾನ ನಿಲ್ದಾಣದಲ್ಲಿ ಇಳಿdide.
