ಸುದ್ಧಿಕನ್ನಡ ವಾರ್ತೆ
ಪಣಜಿ: ರಾತ್ರಿಯ ಕತ್ತಲೆ… ಎಲ್ಲೆಡೆ ಮೌನ… ಆದರೆ ಈ ಮೌನದಲ್ಲಿ, ಹೈ-ವೋಲ್ಟೇಜ್ ಭಾರತ-ಪಾಕಿಸ್ತಾನ ಕ್ರಿಕೆಟ್ ಪಂದ್ಯದ ಬಗ್ಗೆ ಒಂದು ವಿಲ್ಲಾ ಒಳಗೆ ದೊಡ್ಡ ಬೆಟ್ಟಿಂಗ್ ನಡೆಯುತ್ತಿತ್ತು. ಗೋವಾದ ವೆರ್ನಾ ಪೆÇಲೀಸರಿಗೆ ಲಭ್ಯವಾದ ರಹಸ್ಯ ಮಾಹಿತಿಯ ಆಧಾರದ ಮೇಲೆ ಹಠಾತ್ ದಾಳಿ ನಡೆಸಿದಾಗ ಈ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿತು. ಗೋವಾದ ಸಂಕ್ವಾಳನ ವಿಲ್ಲಾ ಮೇಲೆ ನಡೆದ ಈ ದಾಳಿಯಲ್ಲಿ, ಪೆÇಲೀಸರು ಐದು ಜನರನ್ನು ರೆಡ್ ಹ್ಯಾಂಡ್ ಆಗಿ ಹಿಡಿದು ಅವರಿಂದ ಸುಮಾರು 10 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಈ ಘಟನೆ ಸೆಪ್ಟೆಂಬರ್ 28 ರ ಭಾನುವಾರ ರಾತ್ರಿ ನಡೆದಿದೆ. ವಿಲ್ಲಾವೊಂದರಲ್ಲಿ ಆನ್‍ಲೈನ್ ಬೆಟ್ಟಿಂಗ್ ನಡೆಯುತ್ತಿದೆ ಎಂದು ವೆರ್ನಾ ಪೆÇಲೀಸ್ ತಂಡಕ್ಕೆ ವಿಶ್ವಾಸಾರ್ಹ ಮಾಹಿತಿ ಸಿಕ್ಕಿತ್ತು. ಅದರಂತೆ, ಪೆÇಲೀಸ್ ಇನ್ಸ್ಪೆಕ್ಟರ್ ಆನಂದ್ ಶಿರೋಡ್ಕರ್ ಮತ್ತು ಪೆÇಲೀಸ್ (police)ಸಬ್-ಇನ್ಸ್ಪೆಕ್ಟರ್ ಕ್ಯಾರಿ ಫೆನಾರ್ಂಡಿಸ್ ನೇತೃತ್ವದ ತಂಡವು ರಾತ್ರಿ 11.30 ರ ಸುಮಾರಿಗೆ ಟಾಟಾ ರಿಯೊ ಡಿ ಗೋವಾ ಬಳಿಯ ವಿಲ್ಲಾ ಮೇಲೆ ದಾಳಿ ನಡೆಸಿತು. 5 ಜನರು ಅಲ್ಲಿ ಕ್ರಿಕೆಟ್ ಬೆಟ್ಟಿಂಗ್ ನಡೆಸುತ್ತಿದ್ದರು ಮತ್ತು ಅವರ ಮುಂದೆ ಹಲವು ಮೊಬೈಲ್ ಮತ್ತು ಲ್ಯಾಪ್‍ಟಾಪ್‍ಗಳಿತ್ತು.
ಪೆÇಲೀಸರು (police) ಈ ಪ್ರಕರಣದಲ್ಲಿ ಐದು ಜನರನ್ನು ಬಂಧಿಸಿದ್ದಾರೆ, ಬಿಹಾರದ ದೀಪಕ್ ಕರ್ವಾನಿ (35), ಮನೋಜ್ ಮುಖಿಯಾ (25) ಮತ್ತು ಮದನ್ ಮುಖಿಯಾ (44), ಮತ್ತು ಮಹಾರಾಷ್ಟ್ರದ ಜಗದೀಶ್ ಚೌಧರಿ (40) ಮತ್ತು ಅರವಿಂದ್ ವಿಶ್ವಕರ್ಮ (25). ಕೂಲಂಕಷ ವಿಚಾರಣೆಯ ನಂತರ, ಅವರು ಗೋವಾದ ಜುವಾರಿನಗರದ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿರುವುದು ತಿಳಿದುಬಂದಿದೆ.
ಈ ಕಾರ್ಯಾಚರಣೆಯ ಸಮಯದಲ್ಲಿ, ಪೆÇಲೀಸರು 54 ಮೊಬೈಲ್ ಫೆÇೀನ್‍ಗಳು, ಏಳು ಲ್ಯಾಪ್‍ಟಾಪ್‍ಗಳು, ಎರಡು ಇಂಟರ್ನೆಟ್ ರೂಟರ್‍ಗಳು, ಒಂದು ಟಿವಿ ಸೆಟ್, 17 ಬ್ಯಾಂಕ್ ಪಾಸ್‍ಬುಕ್‍ಗಳು ಮತ್ತು ಇತರ ಎಲೆಕ್ಟ್ರಾನಿಕ್ ಸಾಧನಗಳನ್ನು ವಶಪಡಿಸಿಕೊಂಡರು. ವಶಪಡಿಸಿಕೊಂಡ ಎಲ್ಲಾ ವಸ್ತುಗಳ ಮೌಲ್ಯ ಸುಮಾರು 10 ಲಕ್ಷ ರೂ.ಗಳು ಎಂದು ಅಂದಾಜಿಸಲಾಗಿದೆ. ಎಲ್ಲಾ ಐದು ಶಂಕಿತರನ್ನು ಬಂಧಿಸಲಾಗಿದೆ ಮತ್ತು ದಕ್ಷಿಣ ಗೋವಾ ಪೆÇಲೀಸ್ ವರಿಷ್ಠಾಧಿಕಾರಿ ಟಿಕಮ್ ಸಿಂಗ್ ವರ್ಮಾ, ಮುಗಾರ್ಂವ್ ಉಪ ಸೂಪರಿಂಟೆಂಡೆಂಟ್ ಗುರುದಾಸ್ ಕದಮ್ ಮತ್ತು ವೆರ್ನಾ ಪೆÇಲೀಸ್ ಠಾಣೆಯ ಇನ್ಸ್ಪೆಕ್ಟರ್ ಆನಂದ್ ಶಿರೋಡ್ಕರ್ ಅವರ ಮಾರ್ಗದರ್ಶನದಲ್ಲಿ ಸಬ್-ಇನ್ಸ್ಪೆಕ್ಟರ್ ಕ್ಯಾರಿ ಫೆನಾರ್ಂಡಿಸ್ ಅವರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
