ಸುದ್ಧಿಕನ್ನಡ ವಾರ್ತೆ
ಪಣಜಿ: ಶನಿವಾರ ರಾತ್ರಿ 1 ಗಂಟೆ ಸುಮಾರಿಗೆ ಗೋವಾದ ಮಡಗಾಂವ ಮೊಬೋರ್‍ನಲ್ಲಿ ಮೀನುಗಾರಿಕಾ ಬೋಟ್ ಸಮುದ್ರದಲ್ಲಿ ಮುಳುಗಿದ ಘಟನೆ ನಡೆದಿದೆ. ಆದರೆ ಸಮುದ್ರದಲ್ಲಿ ಅಬ್ಬರದ ಅಲೆ ಮತ್ತು ಭಾರೀ ಮಳೆಯ ನಡುವೆಯೂ, ಮೀನುಗಾರ ಪೀಲೆ ಫೆನಾರ್ಂಡಿಸ್, ಜೀವರಕ್ಷಕರು ಮತ್ತು ಕರಾವಳಿ ಪೆÇಲೀಸರೊಂದಿಗೆ ಜೆಟ್ ಸ್ಕೀ ಬಳಸಿ ಸಮುದ್ರದಲ್ಲಿ ಸಿಲುಕಿಕೊಂಡಿದ್ದ 27 ಮೀನುಗಾರರನ್ನು ರಕ್ಷಿಸುವಲ್ಲಿ ಯಶಸ್ವಿಯಾದರು.
ಘಟನೆಯ ಬಗ್ಗೆ ಮಾಹಿತಿ ನೀಡಿದ ಮೀನುಗಾರ ಪೀಲೆ ಫೆನಾರ್ಂಡಿಸ್- ಶನಿವಾರ ರಾತ್ರಿ 1 ಗಂಟೆಗೆ ಮೀನುಗಾರರೊಬ್ಬರು ಕರೆ ಮಾಡಿ ತಮ್ಮ ಬೋಟ್ ಸಮುದ್ರದಲ್ಲಿ ಮುಳುಗುತ್ತಿದೆ ಎಂದು ತಿಳಿಸಿ ಸಹಕಾರ ಕೋರಿದರು ಎಂದು ಹೇಳಿದರು. ರಾತ್ರಿ ಸಮಯ ಮತ್ತು ಮಳೆ ಜೋರಾಗಿರುವುದರಿಂದ ಸಮುದ್ರಕ್ಕೆ ಹೋಗಬೇಕೋ ಬೇಡವೋ ಎಂದು ಅವರು ಯೋಚಿಸುತ್ತಿದ್ದಾಗ, ಮೀನುಗಾರರಿಗೆ ಜೀವದ ಪ್ರಶ್ನೆಯಾಗಿರುವುದರಿಂದ ಸಹಾಯಕ್ಕಾಗಿ ಹೋಗಲು ಅವರ ಪತ್ನಿ ಬೆಂಬಲ ನೀಡಿದರು. ಅದರ ನಂತರ, ಭಾರೀ ಅಲೆಗಳ ಹೊರತಾಗಿಯೂ ಮೊಬೋರ್ ಕರಾವಳಿ ಪ್ರದೇಶಕ್ಕೆ ಹೋಗಿ ರಕ್ಷಣಾ ಕಾರ್ಯಾಚರಣೆ ನಡೆಸಲಾಯಿತು. ಜೆಟ್ ಸ್ಕೀ ಸಹಾಯದಿಂದ ಮೀನುಗಾರರನ್ನು ಮುಳುಗುತ್ತಿರುವ ದೋಣಿಯಿಂದ ಸುರಕ್ಷಿತವಾಗಿ ದಡಕ್ಕೆ ತರಲಾಯಿತು. ಜೀವರಕ್ಷಕರಾದ ಸತೀಶ್ ಗಾಂವ್ಕರ್, ಸಮೀರ್ ಗಾಂವ್ಕರ್, ಲಾವು ಗಾಂವ್ಕರ್ ಮತ್ತು ಕರಾವಳಿ ಪೆÇಲೀಸರು ಸಹ ಈ ರಕ್ಷಣಾ ಕಾರ್ಯಾಚರಣೆಯಲ್ಲಿ ಸಹಾಯ ಮಾಡಿದರು.
ಈ ಘಟನೆಯ ನಂತರ, ಪೀಲೆ ಫೆನಾರ್ಂಡಿಸ್ ಸರ್ಕಾರಕ್ಕೆ ಕೆಲವು ಬೇಡಿಕೆಗಳನ್ನು ಮುಂದಿಟ್ಟರು. ಈ ವರ್ಷ, ಬಂದರು, ಮೀನುಗಾರಿಕೆ ಇಲಾಖೆ ಮತ್ತು ಪ್ರವಾಸೋದ್ಯಮ ಇಲಾಖೆಯ ಕ್ಯಾಪ್ಟನ್ ಅವರು ಜಲ ಕ್ರೀಡಾ ಪರವಾನಗಿಗಳನ್ನು ಮೊದಲೇ ನೀಡಿದ್ದರಿಂದ ಜೆಟ್ ಸ್ಕೀ ಅನ್ನು ಸಮಯಕ್ಕೆ ಸರಿಯಾಗಿ ನಿರ್ವಹಿಸಲಾಗಿದೆ ಎಂದು ಅವರು ಹೇಳಿದರು. ಅದಕ್ಕಾಗಿಯೇ ರಕ್ಷಣಾ ಕಾರ್ಯಾಚರಣೆಗೆ ಇದರ ಬಳಕೆ ಸಾಧ್ಯವಾಯಿತು. ಈ ಘಟನೆಯು ಕರಾವಳಿ ಪೆÇಲೀಸರಿಗೆ ಅಗತ್ಯವಾದ ರಕ್ಷಣಾ ಬೋಟ್ ಇಲ್ಲ ಎಂದು ತೋರಿಸಿದೆ ಎಂದು ಪಿಲೆ ಫೆರ್ನಾಂಡಿಸ್ ಹೇಳಿದರು. ಆದ್ದರಿಂದ, ಸರ್ಕಾರ ಕರಾವಳಿ ಪೆÇಲೀಸರಿಗೆ ಅಗತ್ಯವಾದ ಉಪಕರಣಗಳನ್ನು ಒದಗಿಸಬೇಕು ಮತ್ತು ರಾಜ್ಯದಲ್ಲಿ ನಾಲ್ಕು ಬೋಟ್ ಗಳನ್ನು ಒದಗಿಸಬೇಕು. ಅಲ್ಲದೆ, ಮೀನುಗಾರಿಕೆಗೆ ಹೋಗುವ ದೋಣಿಗಳಲ್ಲಿ ಮೀನುಗಾರರ ಸುರಕ್ಷತೆಗೆ ಅಗತ್ಯವಾದ ಉಪಕರಣಗಳಿಲ್ಲ, ಆದ್ದರಿಂದ ರಾಜ್ಯ ಸರ್ಕಾರ ಕಡಲತೀರದಲ್ಲಿ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಗಮನ ಹರಿಸಬೇಕೆಂದು ಪೀಲೆ ಫೆನಾರ್ಂಡಿಸ್ ಒತ್ತಾಯಿಸಿದ್ದಾರೆ.
