ಪಣಜಿ: ಗೋಮಾಂತಕಿಯರು ಗಣೇಶನ ಮಣ್ಣಿನ ಮೂರ್ತಿ ತಂದು ಪೂಜಿಸುವುದು ಸಂಪ್ರದಾಯ. ಈ ಸಮಯದಲ್ಲಿ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಗಣೇಶ ಮೂರ್ತಿಯನ್ನು ಯಾರೂ ಖರೀದಿಸಬಾರದು. ಮಣ್ಣಿನ ಮೂರ್ತಿಗೆ ಪೂಜೆ ಸಲ್ಲಿಸುವ ಮೂಲಕ ಹರಿತ್ ಚತುರ್ಥಿ ಆಚರಿಸುವಂತೆ ಮುಖ್ಯಮಂತ್ರಿ ಪ್ರಮೋದ ಸಾವಂತ್ ಮನವಿ ಮಾಡಿದರು.
ಗಣೇಶ ಚತುರ್ಥಿ ಗೋಮಾಂತಕರ ಸಂಭ್ರಮದ ಹಬ್ಬ. ಚತುರ್ಥಿಗೆ ಇನ್ನು ಐದು ದಿನ ಮಾತ್ರ ಬಾಕಿ ಇದ್ದು, ಪ್ಲಾಸ್ಟರ್ ಆಫ್ ಪ್ಯಾರಿಸ್ ಮೂರ್ತಿಗಳ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಸರ್ಕಾರ ಎಚ್ಚರಿಕೆ ನೀಡಿದೆ. ಯಾರೂ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಪ್ರತಿಮೆಯನ್ನು ಖರೀದಿಸದಿದ್ದರೆ, ಮಾರಾಟಗಾರನು ಪ್ಲಾಸ್ಟರ್ ಆಫ್ ಪ್ಯಾರಿಸ್ ಪ್ರತಿಮೆಯನ್ನು ಮಾರಾಟಕ್ಕೆ ಇಡುವುದಿಲ್ಲ. ಎಲ್ಲರೂ ಮಣ್ಣಿನ ಮೂರ್ತಿಗೆ ಪೂಜೆ ಸಲ್ಲಿಸಬೇಕು ಎಂದು ಮುಖ್ಯಮಂತ್ರಿಗಳು ಮನವಿ ಮಾಡಿದರು.
ಚತುರ್ಥಿಯ ಫಲಾವಳಿ ಸಾಂಪ್ರದಾಯಿಕವಾಗಿರಬೇಕು. ಪ್ಲಾಸ್ಟಿಕ್ ವಸ್ತುಗಳನ್ನು ಮಂಟಪಕ್ಕೆ ಕಟ್ಟಬಾರದು. ಹೂಮಾಲೆ ಹಾಗೂ ಅಲಂಕಾರಕ್ಕೆ ಪ್ಲಾಸ್ಟಿಕ್ ಬಳಸಬಾರದು ಎಂದು ಮುಖ್ಯಮಂತ್ರಿಗಳು ಮನವಿ ಮಾಡಿದ್ದಾರೆ. ಯಾರಿಗಾದರೂ ಕಾಡಿಗೆ ಹೋಗಿ ಫಲಾವಳಿ ಮಂಟಪದ ಸಾಮಾನು ತರಲು ಸಾಧ್ಯವಾಗದಿದ್ದರೆ ಇ-ಬಜಾರ್ ಮೂಲಕ ಆನ್‍ಲೈನ್‍ನಲ್ಲಿ ಖರೀದಿಸಬೇಕು ಎಂದು ಮುಖ್ಯಮಂತ್ರಿ ಡಾ. ಪ್ರಮೋದ್ ಸಾವಂತ್ ಹೇಳಿದರು.
